Hunger cues for formula feeding: Video transcript [1]
Me matepongi taau pepe, teia te au akairo tana ka akaari mai, ko te nekeneke koko‘anga (nuzzling) mai ia koe, ma te ngotengote maria i tona ngutu, ko te ngotengote i tona rima, me kore ra, i tona va‘a (na roto i te akatuera‘anga i tona va‘a e te uriuri‘anga i tona katu). Ka tupu teia au akairo ua atu e kua piri tona mata, me kore ra, te puera ra.
Ko teia au akairo mua te ka kitea‘ia, e mea puapinga maata teia ia korua ko taau pepe e akamata ra i te apii i te kaikai. E tauta koe i te angai putuputu i taau pepe i te au atianga ravarai me akaari mai aia i te au akairo e, kua matepongi aia.
Penei, ko te aue te akairo openga te ka akaari mai e, kua matepongi taau pepe. E tauta koe i te angai i taau pepe i mua ake ka akamata ai aia i te aue. E ngoie atu i te angai iaia me kare aia e manamanata ra e te aue ra.
Na te tuku vaitata i taau pepe ki toou pae, e pera katoa i te moe kapiti korua i te po ki roto i te pi‘a moe okotai (auraka ra e ko korua ki runga i toou ro‘i), e akapapu kia kite koe i te au akairo e, kua matepongi taau pepe. Na teia katoa e tauturu i taau pepe kia noo ma te meitaki e te marū e ka riro katoa teia ei ravenga no korua i te atui kapiti atu anga tetai ki tetai.
This page last reviewed 19 December 2022.
Email us [4] your feedback
Links
[1] https://www.kidshealth.org.nz/hunger-cues-formula-feeding-video-transcript
[2] https://www.kidshealth.org.nz/feeding-your-baby-infant-formula?language=rar
[3] https://www.kidshealth.org.nz/node/2756?language=rar
[4] https://www.kidshealth.org.nz/contact?from=http%3A%2F%2Fwww.kidshealth.org.nz%2Fprint%2F1224%3Flanguage%3Drar