Check Whānau Āwhina Plunket's chart on how to store expressed milk.
Storing breast milk. Video transcript [1].
Ka meitaki te ū tangata i te akaputu‘ia.
Kia maara ia koe e, ei vairanga ū kua oti meitaki i te tama‘ia ma te kore e tiemu i roto, ka tuku ei koe i te ū ki roto i reira.
Ka rauka ia koe i te akaputu i toou ū i akata‘e koe ki roto i te kaparata aisi (fridge) no tetai 48 ora e kia tano te vaito anu ki te 2 – 4 tikiri C (ki muri i te ope o te vairanga o raro mai o te fridge, auraka rava e, ki roto i te ngutupa).
Ka rauka ia koe i te akaruke i te ū tangata no tetai 4 ora ki roto i tetai ua atu pi‘a o te ngutuare.
Ka meitaki toou ū akata‘e kia akaruke‘ia no tetai 3 ki te 6 marama ki roto i te pi‘a anu tikai o te fridge (freezer).
E akaruke koe i toou ū tei toka anu kia ta‘e akaou rai i roto i te fridge. Me akamata akaou ana i te ta‘e, e ta-angaanga viviki koe i te reira, i te reira taime rai.
Penei ka reka taau pepe i te ū tei tāmaanaana‘ia. Tuku‘ia te moina ū ki roto i tetai vairanga e vai vera to roto, ka akaruke ei kia taena te turanga vaito maana o te kopapa, i mua ake ka angai ei koe. (Kare te tāmaana ki roto i te microwave e tau kia raveia no te mea, ka pakapaka te va‘a o taau pepe i te turanga vera tuketuke o te microwave, e ka kino te turanga meitaki e te turanga paruru o te ū tangata).
Me maana ana, e i mua ake ka akamata ai koe i te angai, e takaviriviri meitaki koe i te vairanga ū kia kairo meitaki tikai, ma te akapapu i te turanga vaito o te vera na roto i te topata‘anga i tetai au topatapata ū ki roto ake i toou ati‘anga o te rima (wrist). Ko te tika‘anga, te maana ra te ū i runga i toou pakiri.
This page last reviewed 22 November 2022.
Email us [4] your feedback
Links
[1] https://www.kidshealth.org.nz/storing-breast-milk-video-transcript
[2] https://www.kidshealth.org.nz/storing-breastmilk?language=rar
[3] https://www.kidshealth.org.nz/node/2703?language=rar
[4] https://www.kidshealth.org.nz/contact?from=http%3A%2F%2Fwww.kidshealth.org.nz%2Fprint%2F1258%3Flanguage%3Drar